Është ndarë nga jeta në moshën 75-vjeçari trajneri i atletikës, Vildan Tufi. Tufi vuante prej kohësh nga një sëmundje e rëndë, ai ndërroi jetë ditën e sotme në Shkodër.
Vildan Tufi ishte një nga emblemat e atletikës shqiptare me ekipin e Vllaznisë.
Ish-atleti i njohur shqiptar u dekorua me titullin “Mjeshtër i Madh” nga presidenti i Shqipërisë Ilir Meta.
Vildan Tufi si trajner është fitues i 80 medaljeve në aktivitetet kombëtare .
Kryebashkiakja e Shkodrës, Voltana Ademi nëpërmjet një postimi në facebook ka shprehur keqardhjen e saj për ndarjen nga jeta të profesor Tufit.
“Një humbje e madhe për sportin shkodran e shqiptar, për atletikën shkodrane e shqiptare. Trajner i palodhur i kampionëve, edukator shembullor dhe prind e familjar si ai.
E prisnim të gjithë që të kthehej në pistat e atletikës, e prisnim që të fitonte betejen me sëmundjen e rëndë! Fatkeqësisht nuk ia doli, për tu larguar nga kjo jetë vetëm fizikisht”, ka shkruar Ademi në facebook./Jo.Be/Fjala.al
