Panajot Gjiknuri është gjyshi i Damian Gjiknurit. Një plak i mençur nga fshati Kudhës në zonën e Bregut të Vlorës. Tregojnë një histori me të që kishte jetuar në katër periudha, Mbretëri, Lufta e Dytë Botërore, komunizëm dhe tranzicion. Dikush e pyeti se si i dukej Shqipëria pas rënies së komunizmit dhe përgjigjia e tij është proverbiale. Në emisionin HARD TALK, gazetari Roland Qafoku ia rikujtoi këtë shprehje deputetit të PS.
-Në një intervistë që të kam marrë në vitin 2013 ke thënë: “Gjyshi im që është nga Bregu, nga Kudhësi e pyetën si të duket Shqipëria pas ’90, tha: Unë e kam parë në tre epoka, e kam parë më keq, por më të çoroditur nuk e kam parë asnjëherë.
-Këtu bëhet fjalë për epoka. E rëndësishme është që Shqipëria ka hyrë në rrugën e duhur për të ndaluar çorodinë ku pas viteve ’90 qe me okë dhe e katandisi Shqipërinë në nivelet më të ulëta të përfaqësimit të zhvillimit të respektit që kishte Shqipëria në nivelin ndërkombëtar. Është rrugë e vështirë se kemi deficite të mëdha historike dhe natyrshëm meqë i përmende fjalët e Panajotit ai e merrte bagazhin negativ që kishte trashëguar, por Shqipëria ka ndaluar atë hemoragjinë e shumë e shumë viteve dhe ka filluar një kthesë të madhe. Rruga do jetë e gjatë. Por çorodia ka mbaruar./Fjala.al/Ke.Ba
