Ne afroamerikanët duhet të votojmë për Joe Biden

113 563 lexime

124,178FansaPëlqeje

Të gjithë duhet të shkoni dhe të votoni, pasi ajo s’mund të votojë më”.

Me këto fjalë e nisi fjalimin e saj nëna e Breonna Taylor, një afroamerikane e vrarë nga policia në Louisville, e cila u shndërrua në simbol të protestave të lëvizjes Black Live Matters.

Në krah të saj është babai i Jacob Blake, një afroamerikan i paralizuar, i cili u qëllua me tetë plumba nga policia në Kenosha të Wisconsin.

Ata po flasin përpara një turme të madhe njerëzish që janë mbledhur të protestojnë përballë “Hotel Trump” në New York.

Në një video të shpërndarë shumë nga rrjetet sociale, babai i Jacob Blake, përpara të gjithë mediave të mbledhura para derës së tij të shtëpisë, disa ditë pas plagosjes së djalit, lexoi një sure nga Kurani në gjuhën Arabe. Një gjuhë të cilën nuk e flet, por që e përdor përgjatë faljes.

Ky nuk është saktësisht imazhi i një votuesi mesatar demokrat. Nuk është as për t’u habitur se mbi tre orë fjalime, thirrje dhe parulla para xhamave pasqyrë të “Hotel Trump”, shfaqet emri i Joe Biden dhe ai i Kamila Harris.

Asnjë nga turma e mbledhur nuk mban asnjë flamur apo simbol demokrat, megjithatë mesazhi është i qartë: merrni pjesë në votime dhe votoni Joe Biden, votoni demokratët.

Kjo ngjarje është pjesë e një aktiviteti në vend e quajtur “Gjendja e Jashtëzakonshme”, e cila do të shtrihet në disa shtete dhe që synon të bindë “votuesit në depresion”, siç quhen afroamerikanët që e konsiderojnë votën të padobishme dhe të cilët mendojnë se nuk kanë më përfaqësim, një fenomen ky që është më i përhapur në qytetet veriore se sa në ato jugore.

Realisht, komuniteti afroamerikan është i ndarë në dy grupe, ata që votojnë demokratët dhe ata që nuk i votojnë. Por demografia e popullsisë është e qartë.

Nëse do të funksiononte aftësia e tyre për t’i bindur, kjo do të sillte një ortek votash në shtetet kryesore dhe që do t’i siguronin Biden një fitore të pakontestueshme.

Megjithatë, pyetja është: Pse një levizje radikale dhe revolucionare që bën thirrje për “ndryshim” dhe që në fokus të saj ka një program ekonomik dhe kulturor që mbështet komunitetin afroamerikan për t’u dëmshpërblyer nga dëmi i shkaktuar nga skllavëria dhe diskriminimi dhe që kërkon heqjen e sistemi aktual të policisë, del në rrugë e bën thirrje për të mbledhur vota për Joe Biden, i cili është një 70-vjeçar i bardhë dhe i moderuar?

Lexo edhe :  Pse Irani është armiku i Izraelit dhe që kur është "mbrojtësi" i palestinezëve?

Përgjigja sigurisht nuk është Kamila Harris, e cila është një grua me ngjyrë dhe ka një CV të Prokurorit të Qarkut që sigurisht që e bën atë edhe më të pëlqyeshme për protestuesit e lëvizjes Black Live Matters.

Sipas një studimi të Universitetit Shtetëror Princeton, asnjë kandidat republikan nuk ka marrë kurrë më shumë se 13% mbështetje nga komuniteti afroamerikan.

Mirëpo, përgjigja qëndron në historinë e procesit të emancipimit të komuniteteve afroamerikane në shtetet e jugut, si dhe prania e udhëheqësve të tyre në administratën lokale në listat e Partisë Demokratike.

Nëse para viteve 1960 vota e zezë ishte e shpërndarë dhe jo shumë efektive, me fillimin e betejës për të Drejtat Civile të filluar nga demokratët, u krijua një bllok votash, i cili sot rrjedh për shkak të demoralizimit dhe mospjesëmarrjes në votime.

Anëtarësimi në Partinë Demokratike transmetohet në shtëpi dhe në mjediset fetare në qarqet jugore, ku racizmi dhe diskriminimi, shpesh i detyron komunitetet të izolohen nga njëri-tjetri.

Partia Demokratike është për shumë afroamerikanë mënyra e vetme për t’u përfaqësuar në pushtetin lokal dhe që garanton mbrojtjen ekonomike dhe ligjore të këtij komuniteti.

Vota e afroamerikanëve për demokratët në Jug është në fakt një votë përgjithësisht jo shumë progresive. Dëshmia është fitorja e Joe Biden kundrejt Bernie Sanders në zgjedhjet partiake, i cili në vend të tyre, arriti të bindë rininë urbane të veriut.

Pra, këto janë arsyet që kanë rëndësi dhe pse lëvizja BLM po nxiton, janë këto faktorë që arrijnë të përmbysin rezultatin e periferive të qyteteve të mëdha, ku komunitetet konfliktohen dhe ku indiferenca njerëzore mbizotëron.

Ata do trokasin në çdo derë për të kujtuar rëndësinë e votës për demokratët, ku më shumë se sa një version amerikan që nënkupton: “kape hundën me dorë dhe voto demokratët”, kjo është një votë strategjike për përfaqësuesit lokalë që çdo ditë e gjejnë veten duke u detyruar të luftojnë mbi buxhetet e qytetit për shkak të pranisë së politikave mbështetëse për komunitetet e tyre, duke vendosur heqjen e ligjeve që i lënë dorë të lirë policisë dhe për të ndëshkuar gjykatësit që sigurojnë mosndëshkimin sistematik të policëve të përfshirë në akte dhune dhe abuzimi.

Nuk është një votim për Biden apo Harris, është një votim për një parti, pasi kur ke shtetin kundër të kesh një parti është diçka shumë e rëndësishme./Re.D/Fjala.al

Të fundit

Horoskopi i ditës, 15 Prill 2024

Dashi Priten edhe turbullira në jetën tuaj gjatë kësaj dite kështu që mirë është të tregoheni të kujdesshëm. Nëse jeni...

VIDEO/ Inter “ngec” në barazim ndaj Cagliarit, shtyhet festa e titullit për zikaltërit

Cagliari ndal Interin në “San Siro” në një barazim 2-2 dhe i detyron zikaltrit ta fitojnë derbin e javës së ardhshme me Milanin për...

Avionët luftarakë “Rafale”, Franca merr vendimin e papritur ndaj Serbisë

Pak ditë më parë presidenti serb, Aleksandar Vuçiç zhvillon një takim me homolgun e tij në Francë, Emmanuel Macron ku diskutuan në lidhje me...

E vërteta e naftës së Shpiragut

Nga Fatos Çoçoli Për shkak të shtimit të prodhimit dhe shitjeve të makinave elektrike kudo në botë(shitjet e tyre kanë kapur 18 përqind të totalit...

FOTO/ Pas daljes nga shtëpia e “Big Brother”, Ledjona bën ndryshimin drastik

Ledjona Xheladinaj ka vendosur që të bëjë një ndryshim të papritur në imazhin e saj. Ish-banorja e Big Brother Vip 3, ka ndryshuar ngjyrën e...

Lajme të tjera

Web TV