Pak kohë më parë kryetari i Partisë Socialiste Edi Rama deklaroi publikisht se asnjë deputet i kësaj force politike nuk e kishte të sigurt që do ishte kandidat për në zgjedhjet e 25 prillit 2021. Kjo krijoi jo pak debate dhe keqkuptime në opinionin publik. Por si e komenton këtë Arben Pëllumbi? Në emisonin HARD TALK NGA ROLAND QAFOKU, ai deklaroi:
-Zoti Rama tha se asnjeri nuk e ka të sigurtë se do jetë sërish deputet.
-Kjo nuk është ndonjë gjë e re sepse ju e dini që në çdo palë zgjedhje, skuadra e kandidatëve për deputet ka rinovimet e veta. Edhe në varësi të performancës por edhe të pritshmërive që elektorati ka. Ne kemi filluar një proces “Vlerëso deputetin tënd”. I kemi shëprndarë te 102 mijë anëtarët e PS brenda territorit të Shqipërisë, pasi ka 107 mijë anëtarë por 5 mijë janë jashtë kufijve. Ju kemi shpërndarë me postë një zarf me kredencialet e nevojshme për t’u futur në platformën e PS dhe të votojnë deputetin e qarkut të tyre. Tirana ka 18 për shembull. Çdo anëtar i PS në Tiranë jep vlerësimin e tij për 18 deputetët nga 1 te 5. 1 është shumë keq dhe 5 është shumë mirë. Ekipi drejtues i ka idetë e tij të sakta se kush ka performuar më mirë, kush nuk ka performuar më mirë, por është krejt tjetër gjë të pyesësh edhe strukturat e tua se çfarë mendimi kanë për secilin nga deputetët e qarkut me të cilët mirë ose keq i është dashur të bashkëpunojë në këto katër vite. Ky vazhdon deri në fund të nëntorit./Fjala.al/Ke.Ba
