Instituti i Sëmundjeve Infektive në Gjermani është me molotov disa persona ende të paidentifikuar.
“Rreth orës 2:40 të mëngjesit, një roje sigurie zbuloi disa persona që kishin hedhur shishe dhe lëndë plasëse në Institutin Robert Koch.
Një xham dritare u thye dhe shenjat e zeza të djegies mbetën në fasadë. Punonjësi ishte në gjendje të shuante flakët”, shkruhet në njoftimin zyrtar të policisë.
Mediat ndërkombëtare shkruajnë se rojet e sigurisë nuk arritën që të dallojnë personat të cilët kryen sulmin. Mësohet se nuk ka pasur dëme në njerëz, por nga shpërthimi janë shkaktuar disa dëme materiale.
Instituti Robert Koch në Tempelhof, është institucioni qendror i qeverisë federale në fushën e monitorimit dhe parandalimit të sëmundjes dhe luan një rol qendror në luftimin e pandemisë së koronavirusit.
Qytetarët gjermanë janë shprehur të indinjuar për shkak të situatës së pandemisë, që pas kufizimeve në lëvizjen e tyre për të parandaluar përhapjen e koronavirusit.
la.mi/Fjala.al
