Arnold Schwarzenegger i është nënshtruar një ndërhyrje në zemër për të zëvendësuar një valvul pulmonare.
Lajmin e ka bërë vetë të ditur Schwarzenegger përmes një postimi në rrjetet sociale ku shkruan se falë ekipit të mjekëve në Klinikën Cleveland ai tashmë ka një valvul të re të aortës. Gjithashtu ai ndau disa foto nga krevati i spitalit ku dukej në gjendje të mirë.
“Falë ekipit të Klinikës Cleveland, unë kam një valvul të re të aortës që përputhet me valvulën time të re pulmonare nga operacioni im i fundit.”, shkruan Schwarzenegger, duke shtuar se ndihet ‘shkëlqyeshëm’ e ka filluar edhe ecjen nëpër qytet.
Schwarzenegger, 73-vjeç ka lindur me një defekt në zemër dhe iu nënshtrua për herë të fundit operacionit të zemrës në vitin 2018, ku shfaqi ndërlikime nga procedura eksperimentale për të zëvendësuar një valvul kateteri në zemrën e tij./Re.Gu/Fjala.al
