Një debat i ashpër është zhvilluar në parlament mes deputetit Myslim Murrizi dhe ministrit Sandër Lleshaj.
Ishte fillimisht deputeti që hodhi akuza ndaj policisë për gjobat që po vendos për mos mbajtjen e maskave. Debati degjeneroi në sherr, teksa ministri iu kundërpërgjigj Murrizit.
“Policia nuk ka asnjë objekt që të merret me deputetët. Deputetët janë të parët që duhet të mbajnë përgjegjësi nëse shkelin ligjin. Nuk ke shans të fitosh pikë përballë Policisë dhe ligjit. S’dua të jem i ngjashëm me ty.
Polic ke qenë dhe polic ke mbetur akoma. Nuk fiton pikë përballë me Policinë. Je polic dhe ke dështuar në policinë financiare. Harroje intimidimin ndaj Policisë dhe zbato ligjin sepse je askushi.
Rri mo ti… Mos u përpiq që të trashësh zërin se e ke të vështirë organikisht. Ti se di nga jam unë njëherë…”, u shpreh Lleshaj./Bl.Ba/Fjala.al
