Rimbyllja për shkak të Covid-19 shihet si një mundësi reale nga drejtuesit e Organizatës Botërore Shëndetësore, gjithsesi, janë të bindur se kjo do të sillte probleme të tjera shoqërore.
Kjo ishte tema e diskutimit të jashtëzakonshëm ditën e sotme nga anëtarët e OBSH, me shefin për rajonin e Europës, Hans Kluge që mes të tjerash tha se mbyllja është gjëja e fundit që po mendojnë.
“Ne e dimë që bllokimet, si ajo që kemi parë në fillim të këtij viti, do të zvogëlojnë transmetimin në komunitet dhe do t’i japin sistemit shëndetësor kohën e nevojshme për të rindërtuar dhe azhurnuar, për të përballuar ngjarjet serioze të COVID-19 dhe për të siguruar shërbimet e nevojshme,”
“Por, ne gjithashtu e dimë që bllokimet e plota do të rrisin kërkesën për shërbime të shëndetit mendor dhe do të shkaktojnë një rritje të dhunës në familje, ndërsa në të njëjtën kohë do të zvogëlojnë shtrimin në spital për sëmundjet kronike, duke rezultuar në vdekje të parakohshme nga këto sëmundje.
“Ndikimi indirekt, i cili lidhet me vështirësitë financiare me të cilat përballen qytetarët që do të kthehen në sigurimet shoqërore, mund të ketë efektin e ndikimit të mëtejshëm ekonomik dhe të zgjasë kohën e rimëkëmbjes së ekonomisë.
Duke pasur parasysh këto realitete, ne i konsiderojmë bllokimet kombëtare si një mundësi e fundit sepse ato anashkalojnë mundësinë që të gjithë të përfshihen në masa themelore dhe efektive,” tha ai.
Gjithashtu, Kluge theksoi domosdoshmërinë për t’i dhënë përparësi nevojave dhe mirëqenies së personelit shëndetësor dhe atyre në shërbimet thelbësore.
la.mi/Fjala.al
