E lindur në Pukë, pas moshës 8 vjeçe Etilda Gjonaj e kaloi dhe e kalon jetën e saj në Tiranë. Por cila është lidhja e saj me qytetin e vogël verior? Për herë të parë publikisht Gjonaj zbuloi se babai i saj ka qenë oficer dhe kjo ishte arsyeja që familja e saj jetonte në Pukë dhe me këtë qytet nuk ka asnjë lidhje. Gjatë emisionit HARD TALK NGA ROLAND QAFOKU Gjonaj tregoi se origjina e saj është Përmeti dhe të dy prindërit janë nga qyteti i vogël në jug të vendit.
-Më bën përshtypje zonjë që ju keni lindur në Pukë. Ke pasur kompleksin me kolegët dhe pjesëtarët e tjerë të qeverisë të lindur në Tiranë?
-Asnjëherë për hir të së vërtetës. Mbase për faktin që familja ime duke qenë babai ushtarak i është dashur të lëvizë në vende të ndryshme dhe e kam konsideruar si një sakrificë që i ka rënë atij dhe familjes sonë për ta hequr.
-Pra ju nuk jeni nga Puka?
-Jo, origjina ime është nga Përmeti. Jo tani në qeveri, por në asnjë moment nuk e kam trajtuar si një pjesë kompleksiteti, në mënyrë absolute pasi për mua njerëzit në çdo krahinë janë njësoj me të mirat dhe defektet e çdo krahine./Fjala.al/Ke.Ba
