Teksa numri i viktimave në Turqi vijon të rritet prej tërmetit, kryesisht në qytetin Izmir, një mrekulli ka ndodhur së fundmi.
Një vajzë 3 vjeçe, Elif Perincek e cila prej 65 orësh rezistoi nën rrënoja e plagosur është shpëtuar nga autoritetet.
Gjithë familja e vogëlushes mbeti nën rrënoja pas shembjes së ndërtesës ku ndodheshin, por nëna e saj me 3 vëllezërit dhe motrat dolën pas 23 orësh teksa vajza mbeti.
Elif Perincek ishte së fundmi personi i 106-të që u nxor nga rrënojat në Izmir gjallë kurse viktimat po i afrohen shifrës së 70-ës.
Vetëm, dy ditë më parë, Greqia dhe Turqia u tronditën nga një tërmet me magnitudë 6.6 gradë të shkallës rihet.
Tërmeti, deri më tani ka lënë pas 79 viktima dhe mbi 960 të plagosur në Turqi. Kërkimet vijojnë ende. Ndërsa në Greqi, janë raportuar dy viktima, dhe 10 të plagosur, mes tyre një shqiptar./Bl.Ba/Fjala.al
