Gjatë 24 orë të fundit në vendin tonë janë vendosur 468 masa administrative për mos mbajtje të maskës mbrojtëse.
Burimet zyrtare bëjnë me dije se në të gjithë vendin janë ndëshkuar me masë administrative 1.000.000 lekë, 20 administratorë lokalesh për mosrespektim të protokolleve të sigurisë si dhe për vendosje të muzikës pas orës 20:00 në ambientet e lokaleve.
Ndërkohë 9 persona janë shoqëruar në ambientet e Policisë pasi nuk kanë pranuar të tregojnë punonjësve të rendit dokumentet e identifikimit, ose nuk e kanë pasur me vete. Këta persona janë ndëshkuar me masën administrative prej 3.000 lekësh dhe më pas janë lënë të lirë./r.g/Fjala.al
