Presidenti ende në detyrë, Donald Trump, ka shkruar një status në Twitter ku ka shprehur sërish pakënaqësitë e tij për numërimin e votave.
“Natën e kaluar unë po fitoja, shpesh në mënyrë solide, në shumë shtete kryesore, në pothuajse të gjitha rastet që Demokratët drejtonin më parë. Pastaj, një nga një, ata filluan të zhdukeshin si me magji ndërsa po dalin rezultate të befasishme të votave. Shumë e çuditshme dhe “sondazhet” e kuptuan plotësisht në mënyrë të gabuar!”, shkruan Trump.
Në SHBA janë duke u numëruar votat qe do të përcaktojnë njeriun që do të drejtojë Shtëpinë e Bardhë për katër vitet e ardhshme. Kujtojmë që dhe më herët në ditën e mërkurë Donald Trump u shpreh se ai do t’i drejtohej Gjykatës pasi kundërshtarët, sipas tij po vjedhin votat.
Pa.Va/Fjala.al
