Në SHBA kanë nisur tensionet e para teksa vijon ende numërimi i votave të fundit.
Policia e Filadelfias tha në një konferencë për shtyp se dy persona të armatosur që u gjetën jashtë Qendrës së Konferencave të Pensilvanisë janë ndaluar dhe hetimi vazhdon.
Në kohën e incidentit brenda qendrës po numëroheshin fletëvotimet me postë, tha policia. Dy personat e arrestuar nuk janë identifikuar, por janë nga Çesapik i shtetit Virxhinia.
“Deri tani nuk kemi të dhëna se kjo histori është më e madhe se këta dy individë. Të dyshuarve iu gjetën rreth 160 fishekë dhe një armë e stilit “AR” pa numër serial” u tha gazetarëve zëdhënësi Larry Krasner.
Të dyshuarve iu gjetën rreth 160 fishekë dhe një armë e stilit “AR” pa numër serial, tha ai.
Policia tha se ishte informuar nga FBI-ja rreth individëve gjatë rrugës së tyre për në Filadelfia me një kamion Hummer ku ndodheshin armët.
Ndërkohë në disa shtete në SHBA, mbështetës të Trump kanë dalë në rrugë, kryesisht pranë qendrave të votimit për të kontestuar mbi procesin e numërimit të votave.
Pa.Va/Fjala.al
