Një grua nga Karolina e Jugut u dënua nga gjykata me 40 vite burg pasi hodhi dy të porsalindurit e saj në plehra.
Alyssa Anne Dayvault, 32-vjeçe nga North Myrtle Beach u dënua nga gjykata për vrasje dhe abuzim me fëmijët.
Dayvault, një ish-artiste grimi në YouTube, nënë e dy vajzave, qau ndërsa iu drejtua gjykatësit duke e quajtur veprimin e saj një ‘gabim të tmerrshëm’.
“Unë dua ti kërkoj falje familjes time, veçanërisht vajzave të mia.”, tha Dayvault.
“Shpresoj që një ditë ato të jenë në gjendje të më falin për çfarë kam bërë”, shtoi ajo.
Ajo gjithashtu i kërkoi falje dhe babait biologjik të foshnjave, i cili nuk e dinte që ajo kishte qenë shtatzënë. Dayvault i fshehu shtatzëninë atij dhe familjes së saj.
Përmes një postimi në Facebook, babai i foshnjave shkori: Sot u vendos drejtësia. Shihemi kur të jesh 72 vjeçe, njeri i lig.
Hetimi tregoi se ajo kishte lindur djalin shëndoshë e mirë, por pas 15 minutash e kishte gjetur atë të vdekur. Ajo tha se e kishte zënë paniku dhe menjëherë e kishte marrë trupin e pajetë të foshnjës dhe e kishte hedhur në plehra. Trupi i tij u gjet në një kosh plehrash jashtë shtëpisë së saj.
Ndërkohë ekspertiza tregoi se foshnja kishte qenë gjallë dhe kishte të ngjarë të kishte vdekur pasi nuk ishte mbushur me oksigjen brenda në qese.
Kur hetuesit morën të dhënat mjekësore të Dayvault ata treguan se ajo kishte qenë shtatzënë në fillim të nëntorit. Dhe ajo e pranoi këtë gjë duke treguar se kishte qenë shtatzënë me një vajzë në vitin 2017, por trupi i vajzës nuk u gjend asgjëkundi. Ajo tha se vajza kishte lindur me kordonin rreth qafës dhe kishte vdekur. Ajo kishte bërë të njëjtën gjë dhe më trupin e vajzës duke e hedhur në koshin e plehrave./r.g/Fjala.al
