Një ngjarje e rëndë ka ndodhur në maternitetin e Gjirokastrës. Një 20 vjeçare e identifikuar si Klea Muxhaj nga fshati Zhulat ka humbur jetën në maternitet pas lindjes.
Ajo ka shkuar në maternitet me dhimbje të forta rreth orës 03:30 të mëngjesit të sotëm.
Menjëherë është futur në sallën e operimit, mirëpo fëmija sipas mjekëve ka qenë në pozicion kryq gjë e cila ka sjellë probleme dhe ndërlikime për nënën.
20-vjeçarja ka qenë në gjendje të mirë shëndetësore kur ka mbërritur në maternitetin e spitalit për të lindur dhe nuk dihen ende arsyet pse ajo ka humbur jetën menjëherë pasi ka sjellë në jetë foshnjën e saj.
Mbetet për t’u vlerësuar se çfarë ka ndodhur me 20-vjeçaren që kishte ardhur në gjendje të mirë shëndetësore.
Mjekët nuk kanë dhënë ende një sqarim për këtë rast, ndërsa familjarët thanë se ajo nuk ka pasur asnjë shqetësim para se të dërgohej në maternitet, por menjëherë pas lindjes ajo është dërguar në reanimacion kur pas një ndërhyrjeje në orën 3 të mëngjesit ajo ka humbur jetën. Pritet kryerja e ekspertizës mjeko-ligjore./Bl.Ba/Fjala.al
