Mes shumë personazheve “Vip” të prekur së fundmi nga koronavirusi, është edhe këngëtarja e moderatorja e njohur, Eneda Tarifa.
Lajmin e ka zbuluar sot vetë këngëtarja duke konfirmuar se është infektuar me Covid-19. Përmes një video të publikuar në “Instagram”, Eneda tregon se është asimptomatike dhe se nuk ndjen asgjë.
Ajo tregon se i lindi dyshimi se mund të ishte infektuar nga koronavirusi vetëm dje, kur humbi shijen dhe nuhatjen.
“Po pi kafe, por nuk e di çfarë shije ka. Mua dje më iku shija dhe kjo ishte një shtysë që unë të bëja tamponin dhe dola pozitive. Rezultoi që ta kem marrë diku, nuk e di se ku, megjithëse ruhem në çdo moment. Por kjo mund t’i ndodhë kujtdo.
Jam asimptomatike se nuk ndjej asgjë, asgjë. Fakti se humba shijen dhe nuhatjen më bëri që të dyshoj. Ndërkohë që jam një qeflije e ushqimit dhe kur nuk ndjen shijen e tij, ndihem keq. Po pi kafe tani, nuk e kam idenë se çfarë shije ka, sheqer ka dhe po e bëj si adet”, thotë Eneda.
