Një prift Ortodoks grek ka ngritur polemika të shumta te populli pasi ai ngriti një fëmijë të vogël për të puthur dorën e një peshkopi që vdiq për shkak të Covid-19.
Pamjet të bëra virale janë shkrepur në qytetin Lagadas duke shkaktuar reagime të shumta në një kohë kur shifrat e të infektuarve në Greqi kanë detyruar shtetin që të hyjë në një karantinë të dytë.
Në pamjet e publikuara në rrjetet sociale shihet teksa prifti ka ngritur djalin dhe e ka afruar afër arkivolit për t’i puthur dorën peshkopit që ndërroi jetë për shkak të koronavirusit. Kleriku 62-vjeçar ndërroi jetë të dielën në mëngjes dhe varrimi u mbajt ditë e hënë.
Ndërkohë që prifti afroi fëmijët të puthur dorën e peshkopit, në foton tjetër shihet teksa personeli i cili transporton atë është i veshur me veshjen mbrojtëse.
Qytetarët grekë kanë kërkuar qeverisë që masat e marra ndaj Covid-19 të zbatohen dhe nga priftërinjtë dhe tu vendosen gjoba për shkeljen e tyre./r.g/fjala.al
