Më e lirë se të tjerat, vaksina e Oksfordit gati për mbrojtjen ndaj Covid

113 563 lexime

124,178FansaPëlqeje

Një vaksinë e koronavirusit, e zhvilluar në Mbretërinë e Bashkuar mund të parandalojë 70.4% të njerëzve që të marrin Covid-19, sipas të dhënave të reja.

Universiteti i Oksfordit dhe AstraZeneca njoftuan se vaksina e tyre është efektive në parandalimin e infeksionit dhe është treguar se funksionon në grupe të ndryshme moshe, përfshirë të moshuarit.

Sarah Gilbert, profesoreshë e vaksinologjisë në Universitetin e Oksfordit, tha: “Njoftimi sot na çon një hap më afër kohës kur mund të përdorim vaksinat për t’i dhënë fund shkatërrimit të shkaktuar nga Covid-19. Ne do të vazhdojmë të punojmë për të siguruar informacionin e hollësishëm për rregullatorët. Ka qenë një privilegj që të jem pjesë e kësaj përpjekjeje multi-nacionale e cila do të sjellë përfitime për të gjithë botën“.

Universiteti i Oksfordit tha se analiza e ndërmjetme nga prova e vaksinave në fazën e tretë tregon se efektiviteti 70% vjen nga kombinimi i dy regjimeve të dozave. Njëri ishte 90% efektiv, tjetri 62%.

Në një deklaratë, Profesor Andrew Pollard, drejtor i Grupit të Vaksinave të Oksfordit dhe kryeinspektor i Procesit të Vaksinave të Oksfordit, tha: “Këto zbulime tregojnë se kemi një vaksinë efektive që do të shpëtojë shumë jetë. Me interes, ne kemi zbuluar se një nga regjimet tona të dozimit mund të jetë reth 90% efektiv dhe nëse përdoret ky regjim dozimi, më shumë njerëz mund të vaksinohen me furnizimin e planifikuar të vaksinave”.

Kjo është vaksina e tretë që jep rezultate pozitive në shmangien e infektimit nga COVID, ndërsa më parë Pfizer dhe Modera njoftuan për 95% efektshmërie të vaksinës.

Megjithatë, vaksina e Oksfordit është thënë se do të jetë shumë më e lirë, më e lehtë për t’u ruajtur dhe më lehtë e qasshme në secilin kënd të botës, në krahasim me dy të tjerat. Nëse miratohet nga rregullatorët, ajo besohet se mund të luajë rol të rëndësishëm në luftimin e pandemisë./Bl.Ba/Fjala.al

Të fundit

Skema, si funksiononte grupi i Adi Çobës!/ ‘Bisha’ udhëzonte me SkyECC nga Durrësi!

Një megaoperacion mes autoriteteve shqiptare dhe atyre italiane çuan në goditjen e një rrjeti kriminal të trafikut të drogës....

Deputeti më i votuar/ Blendi Gonxhja tregon a do të garojë për Bashkinë e Tiranës

Ministri i Ekonomisë, Blendi Gonxhja ishte kandidati më i votuar nga listat e hapura, duke fituar besimin e 24.802 qytetarëve të Tiranës, të cilët...

Operacioni ‘Ura’/ Berisha sulmon Dumanin: Bllokoi aksionin për qëllime elektorale

Kreu i PD, Sali Berisha doli sërish në një konferencë për mediat, për të denoncuar sipas tij vjedhjen e zgjedhjeve. Berisha u ndal edhe te operacioni i...

Vengu pret komandantin e FSK: Shqipëria krah Kosovës për garantimin e stabilitetit

Ministri i Mbrojtjes Pirro Vengu priti sot në një takim zyrtar komandantin e Forcës së Sigurisë së Kosovës (FSK), gjenerallejtënant Bashkim Jashari. I pranishëm në këtë...

Vizita në Beograd, Kaja Kallas i jep mesazh të prerë autoriteteve serbe

Kaja Kallas i ka dërguar një mesazh të prerë autoriteteve serbe gjatë vizitës së saj në Beograd. Në një postim në rrjetet sociale, Përfaqësuesja...

Lajme të tjera

Web TV