Një mbrëmje dinamike na pret këtë të hënë, teksa dy vajza janë eliminuar tashmë dhe dy të tjera pritet të eliminohen në puntatën e tretë të spektaklit “Love Story” në TV Klan.
Saimiri u shpreh javën që shkoi se kësaj here ka organizuar një takim në SPA me të gjitha vajzat, ku pritet të bëjnë lojëra uji dhe padyshim do të ketë shumë argëtim.
Ndërkohë, në një intervistë për programin “Daily Love Story”, me autore Ilda Lumanin, 33-vjeçari theksoi se do mundohet t’i vërë në situata të sikletshme vajzat, gjë që duket shumë intriguese për shikuesit.
Saimiri gjithashtu do të ketë edhe dy takime private, më Xhesin dhe Merin, nga ku do të zbulojmë nëse ‘princi’ i këtij spektakli ka filluar të ndjejë pak më shumë për ndonjë vajzë në veçanti.
Flavia, konkurrentja nga Fieri gjithashtu ka premtuar se do ta habisë publikun këtë të hënë, teksa u shpreh për “Daily Love Story” se ka një surprizë që do mbetet enigmë.
