Ditën e nesërme në Kuvend pritet të votohet përbërja e Komisionit të Posaçëm Parlamentar për raportin e Dick Marty.
Anëtarët nga mazhoranca të Komisionit të Posaçëm do të jenë Ulsi Manja, Alket Hyseni, Klotilda Bushka, Adnor Shameti dhe Ermonela Felaj. Ndërsa nga opozita parlamentare anëtarë janë Myslim Murrizi, Edmond Stojku dhe Enver Roshi. Pjesë e komisionit do jetë edhe deputetja Elena Xhina.
Komisioni do të drejtohet nga Ulsi Manja dhe nesër në seancë plenare do të miratohen emrat e 9 anëtarëve.
Kujtojmë se të enjten e kaluar Kuvendi miratoi me 83 vota pro, 10 kundër dhe 10 abstenim ngritjen e Komisionit të Posaçëm për pretendimet në raportin e Dick Marty për luftën e Kosovës, që implikonte UÇK-në./r.g/fjala.al
