UEFA merr vendimin: Në “Air Albania” do të luhet finalja e parë e një kompeticioni europian

113 563 lexime

106,048FansaPëlqeje

UEFA i ka besuar Shqipërisë finalen e parë të ”UEFA Conference League”, kompeticionit më të ri për klube që starton edicionin e parë vitin tjetër dhe finalen e parë e mban më 2022.

Pikërisht tashmë është zyrtare që finalja e 2022 të këtij kompeticioni do të mbahet në stadiumin e ri të Shqipërisë, Air Albania Stadium.

Presidenti i FSHF, Armand Duka e cilëson datën e sotme si një ditë historike për futbollin shqiptar, Tiranën dhe Shqipërinë pasi është hera e parë që vendi jonë pret finalen e një kompeticioni europian për klube të këtyre përmasave.

“Tre dhjetor 2020, një tjetër datë historike për futbollin dhe për Shqipërinë! Komiteti Ekzekutiv i UEFA-s vendosi t’i besojë FSHF-së organizimin e finales së parë të kompeticionit më të ri europian ‘UEFA Conference League’ në vitin 2022 në stadiumin ‘Air Albania’.

Kjo është një ngjarje e rëndësishme për futbollin, Tiranën dhe Shqipërinë! Për këtë duhet të ndihemi të gjithë krenarë. Është gjithashtu edhe një dhuratë e çmuar për Shqipërinë dhe shqiptarët, që më në fund mund të gëzojnë pas shumë peripecish të kaluara, që nga tërmeti e deri te pandemia Covid-19 që po përjetojmë. Urojmë që ky lajm t’i hapë rrugën lajmeve të tjera pozitive për shqiptarët.

Dua të falënderoj administratën e FSHF-së për plotësimin e qindra formularëve, pyetësorëve dhe dosjeve për aplikimin, duke treguar profesionalizëm, seriozitet dhe përkushtim e duke bindur anëtarët e KE-së. Dëshiroj që t’i falënderoj të gjithë ata që besuan te ne. Por kjo është një ditë e madhe për të gjithë.

Dëshiroj që të falënderoj me këtë rast, drejtuesit dhe anëtarët e Komitetit Ekzekutiv të UEFA-s, për mbështetjen dhe besimin që na dhanë.

Dua t’i garantoj se ne do të bëjmë maksimumin për një organizim perfekt të finales. Shqipëria dhe shqiptarët shquhen për mikpritje, të cilën do të kenë mundësi ta demonstrojnë akoma më shumë në këtë rast.

Ju mirëpresim në Tiranë me shumë kënaqësi në maj 2022!”, – shkruan Presidenti Duka në reagimin e tij.

Lexo edhe :  3 shenjat e Horoskopit që i pret një sukses i madh

Pa.Va/Fjala.al

 

Të fundit

Ardian Christian Kyçyku, shkrimtari i shpirtit njerëzor që e nderon atdheun e tij

Nga Shpendi Topollaj Në memorien e popullit tonë, është rrënjosur mendimi se të gjithë ata intelektualë dhe sidomos shkrimtarë të...

Kultura dhe pandemia/ Teatrot e gjysmës së Evropës kërkojnë rihapjen e tyre

"Kultura është e sigurt" është parulla që bota kulturore spanjolle ka përdorur për të mbajtur hapur teatrot, operat, kinematë dhe muzetë e saj ndërkohë...

Romani “Nga jeta në jetë. Pse?!”, i Sterjo Spasses

(Fragment shkrimi)  Ardit Mehmetaj Vepra “Nga jeta në jetë. Pse?” është roman i shkruar në prozë në formë ditari, të cilin protagonisti i romanit Gjon Zaveri...

CDU-ja gjermane: Vazhdimësi apo drejt së ardhmes së panjohur?

CDU, partia në pushtet në Gjermani, po zgjedh në votim virtual kryetarin e ri të partisë. Në postin e kancelarit, kryetari i ri do...

Roma, bie mbretëria dhe nis epoka e re me Oktavianin perandor

Në janar të vitit 27 pes, Senati i Romës i jep Gaius Julius Cesar Oktavianit titullin Augustus, duke shënuar fundin e republikës dhe fillimin...

Lajme të tjera

Web TV