Pak ditë më parë LSI rikonfirmoi në zgjedhjet që organizoi në parti si kryetare të LSI Monika Kryemadhin për një mandat 4 vjeçar. Por si kanë qenë 3 vite e gjysmë për LSI që janë drejtuar nga ajo. Gjatë emisionit HARD TALK NGA ROLAND QAFOKU, ish-deputetja e LSI bëri një analize të asaj që ka arritur Kryemadhi gjatë kësaj periudhe.
-Si e ka drejtuar zonja Kryemadhi LSI-në këto 3 vite e gjysmë?
-Jemi e vetmja parti e cila sot për sot si parti parlamentare përfaqësohemi nga një grua. Monika Kryemadhi e mori partinë në kohën e saj më të vështirë, në kohërat e luftrave të jashtme dhe të brendshme. Kjo sepse është edhe efekti i kësaj që ju thashë: Queen maker. LSI si lëvizje i shkon shumë mirë portretit të Monikës. Monika është një figurë shumë e konsoliduar si grua, që ka një karakter shumë të fortë, ka një aftësi të jashtëzakonshme organizative, ka një sinergji pozitive dhe ka një gjë që mua më pëlqen, që ka elementë realë të liderit sepse nuk merr pushtet, por delegon pushtet. Kjo është një cilësi shumë e rëndësishme e një lideri në politikë. Monikën e kemi shumë të thjeshtë ta thërrasim në emër, a ndryshuar dhe pa luajtur në rolin e lideres. I thërrasim Mona, e kemi shumë të afërt. Është njeriu që ta pranon edhe reagimin tënd të drejtpërdrejtë./Fjala.al/Ke.Ba
