Një ditë më parë, këngëtari i njohur Genc Prelvukaj njoftoi ndjekësit në rrjete sociale se ishte infektuar me Covid-19.
Genci u shpreh se edhe pse është ruajtur shumë prej një viti dhe kishte treguar shumë kujdes, sërish nuk i ka shpëtuar dot virusit.
“Për gati një vit kujdes, masa mbrojtëse dhe shmangie sa më shumë nga kontaktet me njerëz, për fat të keq, pas disa shqetësimeve shëndetësore i jam nënshtruar testimit të Covid-19, me ç’rast kam rezultuar pozitiv. Përkundër shqetësimeve jo të vogla shëndetësore, këtë betejë kam vendosur ta fitoj sa më parë”, ka shkruar Prelvukaj në postimin e tij në “Instagram”.
Nga ana tjetër, partnerja e Gencit, Eni Koçi ka treguar eksperiencën e saj me Covid-19. Këngëtarja e njohur ka publikuar rezultatin e testit, duke treguar se ka qenë e infektuar me virus tre muaj më parë.
“Për fatin tim të mirë, e kam kaluar virusin para tre muajve pa shqetësime serioze. Ju uroj shërim sa më të shpejtë të gjithëve që po e kaloni ndërkohë”, shkruan këngëtarja./Bl.Ba/Fjala.al
