Prokuroria pushon hetimet për ish-kreun e Kadastrës në Durrës, Liridon Pula, i cili dyshohej si i përfshirë në skandalin e tjetërsimit të pronave në Gjirin e Lalzit.
Liridon Pula u arrestua rreth një vit më parë, pas akuzave të ngritura nga prokurori Arjan Ndoja, me akuzën e shpërdorimit të detyrës, në kuadër të hetimeve që po kryheshin nga Ndoja për abuzimet me trojet në Gjirin e Lalzit.
Arrestimi i Pulës u pasua nga reagimi i fortë i kryeministrit Edi Rama dhe zv.kryeministrit Erion Braçe kundër prokurorit Ndoja. Liridon Pula u lirua nga Gjykata e Durrësit në tetor në 2019-ës.
Vetëm pak ditë më pas, prokurori Ndoja do të ishte në shënjestrën e një atentati që i mori jetën shoferit të tij, Andi Maloku. Në makinë me të ishte edhe “i forti” i Shijakut, Pëllimb (Landi) Muharremi.
l.m/Fjala.al
