Rozana Radi pak ditë më parë rezultoi pozitive me Covid-19. Moderatorja bëri dy teste, njëri rezultoi negativ dhe tjetri pozitiv.
Këngëtarja e njohur tregoi se menjëherë u karantinua pas përgjigjes së dytë dhe se mori mjekimin e nevojshëm.
Mirëpo siç duket eksperienca e saj me Covid-19 nuk ka qenë shumë e lehtë. Radi ka zhvilluar me ndjekësit e saj në Instagram një intervistë virtuale dhe dikush prej tyre është interesuar për shëndetin e saj.
Ajo ka treguar se tani ndihet pak më mirë, por ditët e para ka pasur shqetësime. Bukuroshja e televizionit u ka bërë thirrje të gjithëve që të kenë kujdes.
“Jam qëndrueshëm! Ditët e para kisha dhimbje të tmerrshme dhe të forta koke dhe djegie trupi. Kini kujdes se Corona nuk qenka shaka”, shkruan Rozana.
