Zëvendës ministri i Mbrojtjes, Petro Koçi nëpërmjet një statusi në rrjetin social “Facebook” ka njoftuar se është prekur nga koronavirusi.
Koçi gjithashtu shkruan se ditën e djeshme janë konfirmuar pozitivë e gjithë familja e tij, ndërsa i bën apel qytetarëve të tregohen të kujdesshëm.
“Covid, i vetëofruar si dhuratë për festat e fund dhe fillim vitit hyri pa trokitur në familjen tonë, duke na përqafuar të gjithëve.
Një kollë që vjen gjithnjë e më shumë prej thellësisë së kraharorit, temperaturë nganjëherë me ethe, një këputje trupi, ilaçe ,gjilpëra, çajrj etj na shoqërojnë ditët.
Dje u konfirmuam me covid dhe nga analiza. U kërkoj gjithë kontakteve të mia të para 4 ditëve të bëjnë kujdes. Ju uroj shëndet miqtë e mi!”, shkruan ai./Bl.Ba/Fjala.al
