Ekspertët: Ja pse gjysma e Tiranës e ka kaluar Covid

113 563 lexime

124,178FansaPëlqeje

Rezultatet mbi fazën e dytë të studimit sero-epidemiologjik të gjendjes imunitare të popullsisë dhe të depistimit nga virusi shkaktar i COVID-19 janë prezantuar nga Akademia e Shkencave e Shqipërisë (ASHSH) këtë të mërkurë, më 30 dhjetor 2020, në një konferencë për mediet.

Akademik Genc Sulçebe dhe prof. Alban Ylli, drejtues të projektit Studimi sero-epidemiologjik i gjendjes imunitare ndaj virusit Sars-CoV2 në popullatën shqiptare  kanë paraqitur rezultatet e fazës II të këtij studimi, ndërkohë që faza I u zhvillua në qershor të 2020-s.

Por edhe pse Tirana ka numrin më të lartë të të infektuarve, në fakt në rang vendi vetëm 25% e popullatës është ekspozuar ndaj virusit.

“Në fund të 2020-ës, mbi 50% e popullsisë së Tiranës janë imunë ndaj koronavirusit. Përparësi që të vaksinohen kanë ata që nuk e kanë kaluar infeksionin. Sepse janë më të brishtë. Të tjerët kanë antitrupa”, u shpreh Genc Sulçebe .

Në konferencën për mediet, akad. Genc Sulçebe deklaroi:  

“Gjatë fazës së dytë të studimit, në kampionin prej 265 personash të testuar, rezultoi një sero-prevalencë e përgjithshme prej 6.43 % e antitrupave IgG, specifikë për Sars-CoV-2, në popullatën e përzgjedhur. Rezultati i shprehur në intervalin e besimit 95 për qind, në popullatën e katër lagjeve të Tiranës, prej rreth 258 000 banorësh, nga e cila është përftuar kampioni, shtrihet në rangun 4.1 – 10 %. Ky rezultat shpreh situatën e qarkullimit të virusit për muajin qershor 2020”, tha akad. Sulçebe, duke shtuar më tej, se “nga ky studim doli konkluzioni se përhapja e imunitetit specifik ndaj Covid-19 në popullatën e qytetit të Tiranës, në këto katër muaj të parë të epidemisë në vendin tonë, ishte e kufizuar”.

Ndërkohë, profesor Alban Ylli ka tërhequr vëmendjen që, pavarësisht imunitetit të krijuar, duhet të merren masa mbrojtëse, sepse stina e dimrit e favorizon përhapjen e këtij virusi.

Lexo edhe :  11 maji, Tomor Alizoti në Top Story: Po të kishim bandat, fitonim zgjedhjet

Për të marrë rezultatet e fazës II të Studimit sero-epidemiologjik të gjendjes imunitare ndaj virusit Sars-CoV2 në popullatën shqiptare, janë zgjedhur katër qendra urbane shëndetësore të rastësishme të Tiranës.

“Testimi i mostrave të gjakut u realizua me metodën Elisa, të prodhuesit të kitit diagnostik, prodhuar nga Euroimmun, Gjermani. Agjenti që përdor ky kit është proteina SI e virusit Sars-COv-2”, tha akad. Sulçebe.

Akademia e Shkencave ka ndjekur në vazhdimësi nivelin e imunitetit të fituar në popullatë ndaj Sars Cov-2, nëpërmjet testimeve serologjike të realizuara nga specialistët, akademik Genc Sulçebe dhe prof. dr. Alban Ylli, në shërbimin e imunologjisë pranë QSUT-së.

Në muajin prill 2020, Akademia e Shkencave e Shqipërisë filloi përpjekjet për konceptimin dhe realizimin e një studimi sero-epidemiologjik të prevalencës së Covid-19 në popullatën shqiptare.

Pas miratimit nga kryesia e Akademisë së Shkencave të Shqipërisë të projektit “Studimi sero-epidemiologjik i gjendjes imunitare ndaj virusit Sars-CoV2 në popullatën shqiptare”, me vendim nr. 33, në muajin maj të 2020 -s, të paraqitur nga akad.

Genc Sulçebe dhe prof. Alban Ylli, nga Komisioni i Mjekësisë, nisi dhe faza e parë e studimit, që konsistoi në aplikimin e testit serologjik të antitrupave anti-Sars-Cov-2 në një kategori të kufizuar të popullatës, me qëllim për të siguruar një informacion paraprak dhe për të vlerësuar mundësinë e zgjerimit eventual të studimit në një kampion më të madh popullate në Tiranë.

Të fundit

Prokuroria e Tiranës sekuestron pasuritë e ‘të fortit’ me tre identitete

Prokuroria e Tiranës ka sekuestruar një apartament dhe dy llogari bankare të një shqiptari me tre identitete, i arrestuar...

Skandal me kreun e Marinën Britanike, jep dorëheqjen pasi iu zbulua lidhja me oficeren

Dorëheqja e kreut të Marinës, Admiral Ben Key, pas një hetimi të nisur kundër tij për një aferë me një oficere, ka shkaktuar trazira...

Video/ Anakonda gjigante filmohet në përruan pranë pyjeve të Amazonës?

Një video mahnitëse është shfaqur online, duke treguar një anakondë gjigante që zvarritet nëpër një përrua në pyjet e Amazonës. Pas përhapjes virale të...

Vrau 34-vjeçarin pasi i dhunuan prindërit, autori i krimit mbërrin në gjykatë!

Ka mbërritur në Gjykatë për njohjen me masën e sigurisë, Ylber Jaku, autori i dyshuar i vrasjes së 34-vjeçarit Reshit Sallahu, krim i ndodhur...

Çfarë është Giro d’Italia, si lindi idea dhe sa para marrin fituesit?

Ka nisur Giro d’Italia 2025, një nga garat më të mëdha dhe më prestigjioze të çiklizmit botëror. Kjo garë u krijua si iniciativë nga...

Lajme të tjera

Web TV