Në një lidhje telefonike në emisionin “Domenica In”, i famshmi Adriano Celentano ka rrëfyer se ai dhe bashkëshortja Claudia Mori prej pothuajse një viti po qëndrojnë të mbyllur në shtëpi, si pasojë e pandemisë.
Duke bërë shaka me prezantuesen Mara Venier, Celentano tha se kanë aq shumë kohë që qëndrojnë brenda, saqë u kishin sjellë edhe uniformën e burgut.
I pyetur nëse do ta bëjë apo jo vaksinën, nisur nga teoritë e shumta që qarkullojnë, këngëtari u shpreh i vendosur: “Unë kurrë nuk kam bërë vaksinë, por tani jam dakord ta bëj dhe Claudia gjithashtu.”
Këngëtari i mirënjohur italian feston 83-vjetorin më datë 6 janar./Bl.Ba/Fjala.al
