Pajisja që ekipet e shpëtimit po përdorin në Indonezi për të rikuperuar kutitë e zeza të aeroplanit “Sriwijaya Air”, i cili u rrëzua në det me 62 persona në bord disa ditë më parë, është prishur.
Në mënyrë që të vazhdohet kërkimi, është e nevojshme të pritet ardhja e një pajisje të re nga Singapori, raporton BBC, duke cituar burime zyrtare.
Zhytësit kanë përcaktuar vendndodhjen e regjistruesve të të dhënave, por ende nuk kanë qenë në gjendje t’i marrin ato.
Deri më tani mbetje të disa kufomave, mbeturinave dhe rrobave, janë nxjerrë në sipërfaqe. “Ka kaq shumë mbeturina atje poshtë, sa kemi rimarrë vetëm një pjesë të vogël të saj”, – tha shefi i Marinës Indoneziane, Yudo Margono.
Rreth 2,600 operatorë janë të përfshirë në operacionet e kërkimit, me 50 anije dhe 13 aeroplanë.
Hetuesit tashmë janë duke analizuar objekte, një rrotë dhe një pjesë të avionit të avionit. Midis mbeturinave të rikuperuara ekziston edhe turbina e një prej motorëve të saj.
Fluturimi “Sriwijaya Air SJ182” u nis nga Xhakarta me 62 persona në bord, por u zhduk nga radari gjatë rrugës për në ishullin Borneo të shtunën./ Bl.Ba/Fjala.al
