Ambasada Franceze në Tiranë ka dorëzuar në Ministrinë e Jashtme të Shqipërisë një notë ndaj deklarimeve të kryeministrit Edi Rama sa i përket sigurimit të vaksinave për shtetet e Ballkanit Perëndimor.
Francezët kujtojnë se Bashkimi Europian është donatori më i madh në vendin tonë, me 100 milionë euro në sektorë të ndryshëm, ndaj nuk mund të flitet për cinizëm dhe egoizëm.
Duke e konsideruar të pavartetë pretendimin se Franca ka stok të vaksinave anti-covid, Ambasada e Francës thotë se “nuk është e përshtatshme të sulmosh në këtë mënyrë nominative një vend mik dhe aleat”.
