A ka oligarki në Shqipëri? Ardian Civici definon fenomenin shqiptar

113 563 lexime

124,178FansaPëlqeje

Ardian Civici, pedagog dhe ekspert ekonomie në një intervistë për Euronews Albania thotë se termi oligarki është i lindur që në Greqinë e lashtë dhe është përcaktuar qartë nga Aristoteli, që vjen nga oli-garki, që do të thotë një pjesë e vogël që sundon.

“Kuptimi i fjalës oligarki shtrihet në shumë fusha, ka oligarki politike, oligarki institucionale, është aristokracia kur sundon një klasë fisnikërie, është teknokracia kur sundon një klasë teknicienësh. Është dhe oligarkia në kuptimin më modern që i japim sot që ka të bëjë me një grup të vogël elitash ekonomike dhe financiare që kontrollojnë pushtetin politik dhe administrativ edhe institucionet e një vendi, duke bërë që vendimet e politik bërjes të jenë në funksion të interesave të tyre dhe në dëm të të mirave publike”, tha z. Civici.

Për rastin konkret të Shqipërisë, z. Civici thekson se më shumë sipas tij kemi të bëjmë me “klientelizëm dhe ndikimi nën rogosë” se sa veprime të hapura të një oligarkie si grup interesi.

“Oligarki të mirëfilltë ashtu siç ka në shumë vende të tjera ku përdoret ku term, unë nuk jam i sigurt nëse mund të përdoret dhe në Shqipëri. Natyrisht që mund të ketë grupe të mëdha biznesi, mund të ketë disa individë, se për t’i quajtur elita financiare nuk i quajmë dot, që kanë pushtet të madh në ekonomi dhe më shumë shfrytëzojnë klientelizmin me qeveri të ndryshme në Shqipëri pasi ky është fenomen që ka pothuajse gjithë fazën e tranzicionit që na ndjek, por në kuptimin rigoroz të fjalës dhe përmbajtje nuk mendoj se në Shqipëri ka një oligarki të vërtetë në këto përmasa”, u shpreh eksperti i ekonomisë.

Lexo edhe :  Ulje temperaturash dhe stuhi shiu, çfarë ndodh me motin ditën e mërkurë

Pavarësisht se termi ndoshta tha z. Civici nuk përkon plotësisht, fenomeni mbetet po aq negativ pasi përmes klientelizmit, biznesmenë pranë qeverisë përfitojnë në dëm të të mirës së përbashkët dhe rritja e bizneseve të tyre nuk vjen nga investimi por favorizimi.

“Është tjetër që gjë që të jenë biznesmenë të mëdhenj apo grupe biznesesh, klientë të përhershëm të qeverisë që më shumë përfitojnë nga tenderët publikë, nga privatizime të ndryshme se sa investojnë vetë për zhvillimin e biznesit të tyre dhe natyrisht që ky është një fenomen negativ por nuk do ta barazoja 100% me fenomenin e oligarkisë”, shtoi z. Civici.


Të fundit

Ukraina synon të evakuojë mijëra banorë nga Donetsku para dimrit

Qeveria ukrainase po synon të evakuojë dy të tretat e banorëve nga zonat që ajo ende kontrollon në rajonin...

Studiuesit në alarm, temperaturat në Arktik po rriten shumë më shpejt se mesatarja

Sipas një studimi të ri skandinav, temperatura në rajonin e Arktikut po rritet shumë më shpejt se mesatarja globale sesa kanë vlerësuar më parë...

FBI kontrolle në shtëpinë e Trump, flet prokurori i përgjithshëm: E urdhërova unë

FBI ka hyrë në shtëpinë e ish-presidentit Donald Trump për të bërë kontrolle por ende nuk dihet arsyeja e kontrollit. Mbi ngjarjen ka folur vetë...

Nga Trump te lufta në Ukrainë, zbulohet si “The Simpson” parashikojnë të ardhmen

Nëse doni të dini se ku po shkon bota, shihni “The Simpsons”. Shfaqja popullore e karikaturave për të rritur ka parashikuar ngjarje të egra dhe të...

Ishte i shpallur në kërkim, arrestohet ish-shefi i policisë së Dhërmiut!

Ish-shefi i Policisë së Dhërmiut, Sokol Bode është arrestuar mbrëmjen e sotme gjatë një aksioni policor në qytetin e Beratit. Bode është dënuar me 12...

Lajme të tjera

Web TV