Mbrëmjen e sotme, një 55-vjeçar ka humbur jetën tragjikisht në qytetin e Librazhdit.
Burime për mediat mësojnë se Besim Gjura, 55 vjeç është rrëzuar nga shkallët e një objekti privat në qendër të qytetit.
Në vendngjarje ka mbërritur menjëherë ambulanca. I plagosuri është dërguar fillimisht në spitalin e qytetit, më pas është nisur drejt Elbasanit. Fatkeqësisht 55-vjeçari ka humbur jetën rrugës.
Në vendin e ngjarjes kanë mbërritur edhe forcat e policisë. Ndërkohë, dëshmitarë kanë treguar se qytetari ka qenë duke zbritur shkallët dhe është rrëzuar menjëherë.
