Një 18-vjeçare e njohur në TikTok, Dazharia Shaffer, ka kryer vetëvrasje. “Unë dua t’i falënderoj të gjithë për dashurinë dhe mbështetjen për vajzën time. Fatkeqësisht ajo nuk është më me ne dhe ka shkuar në një vend më të mirë”, shkroi babai i saj në postimin krah fotos së të bijës.
Në një faqe në GoFundMe të hapur nga babai i saj, shkruhet se adoleshentja ndërroi jetë të hënën, ndërsa shtoi se ajo po luftonte me probleme të shëndetit mendor.
“Vajza ime Dazharia na la herët dhe është thirrur për të fluturuar me engjëjt. Ajo ishte shoqja ime më e vogël dhe nuk isha përgatitur në asnjë mënyrë, për të varrosur fëmijën tim. Ajo ishte aq e lumtur dhe ngazëllehej të më shihte kur të kthehesha në shtëpi nga rruga. Do të doja vetëm që ajo do të më kishte folur për stresin dhe mendimet e që kishte për vetëvrasje. Mund t’ia kishim dalë. Tani kam ardhur në shtëpi dhe ti nuk do të jesh më aty duke më pritur. Unë duhet të të lë të fluturosh me engjëjt”, shkroi ai.
Nëna e Dazharia-s, Jennifer Shaffer, gjithashtu konfirmoi lajmin në një postim emocional në Facebook:
“Jam shumë zemërthyer. Me të vërtetë nuk mund të besoj se ke ikur. Do të doja të isha duke pritur që të më thoshe se ishte një shaka, por nuk është. Do të doja të kisha vdekur në vendin tënd. Të gjithë flasin për kohët tona të këqija, por kurrë mos flasim për kohërat e mira”.
Dazharia, e cila ishte nga Louisiana, SHBA, u bë e njohur nga TikTok pasi kishte 1.4 milionë ndjekës. Adoleshentja gjithashtu kishte mijëra ndjekës në Instagram dhe YouTube dhe shpesh dokumentonte jetën dhe sfidat e saj në platformat sociale.
Një ditë para se të njoftohej në polici se adoleshentja kishte kryer vetëvrasje, apo publikoi disa video në të cilat shkruante: “Postimet e fundit”.
