Mjekët paralajmërojnë njerëzit që të mos provojnë trendin që po përhapet me mesazhe në WhatsApp, sipas të cilit thithja e avullit të mbron nga Covid.
Ekspertët i quajnë të rreme pretendimet e videove të që po qarkullojnë në rrjetin social, se thithja e avullit përmes gojës dhe hundës mund të vrasë virusin para se të arrijë në mushkëri.
Një video thuhet se metoda do të ‘na shpëtojë të gjithëve’ nga infeksioni. Mjekët në Britani kanë reaguar dhe janë shprehur kundër kësaj praktike, duke theksuar se thithja e avullit në të vërtetë mund të bëjë më shumë dëm sesa dobi, pasi mund të djegë rrugët e frymëmarrjes.
Eksperti Andrew Goddard tha për BBC: “I bëj thirrje kujtdo që e shikon këtë video ta injorojë, nuk ka asnjë provë që thithja e avullit funksionon dhe nga ana tjetër ka prova se do t’ju dëmtojë”.
Në maj të vitit të kaluar, një fondacion në Britani zbuloi se rreth gjysma e qendrave të djegies në Angli po shihnin një rritje të incidenteve që lidheshin me thithjen e avullit.
