Sara Carconero, bashkëshortja e legjendës së Real Madrid Iker Casillias, njëkohësisht edhe gazetare sportive, është shtruar në spital pas një komplikacioni nga tumori malinj të vezores.
Carconero u shtrua në një spital privat në qytetin verior spanjoll të Pamplona, vetëm dy ditë pasi mbushi 37 vjet. Raportimet lokale duke cituar burime të afërta me gazetaren, thonë se ajo po shërohet dhe mezi pret të kthehet në jetën e saj të përditshme.
Carbonero njoftoi në maj të vitit 2019 se ishte operuar për kancer të vezoreve.
Ajo iu nënshtrua një operacioni në ‘Ruber Internacional’ të Madridit për të hequr tumorin para se t’i nënshtrohej disa muaj kimioterapisë.
Casillas dhe Carbonero janë një nga historitë më të famshme të dashurisë në futbollin spanjoll.
Çifti kanë pësuar probleme të ndryshme shëndetësore në vitet e fundit.
Mamaja dhe motra e saj gjithashtu thuhet se po e vizitojnë rregullisht së bashku me shoqen e saj të ngushtë, Isabel Jimenez.
Modelja njoftoi se kishte kancer vetëm tre javë pasi Casillas pësoi një sulm në zemër,
Ajo pranoi në atë kohë: “Kur nuk ishim shëruar ende nga një tronditje, jeta na ka befasuar sërish”.
