Kandidati për kryeministër nga radhët e Lidhjes Demokratike të Kosovës, Avdullah Hoti, që pas luftës partia më e madhe e votuar në Kosovë, e ka pranuar humbjen e zgjedhjeve. Për këtë ai ka thënë se merr personalisht përgjegjësin.
“Para jush dua të them se e marrë përgjegjësinë e plotë për rezultatet dhe do të diskutojë me organet e partisë”.
Ai në një konferencë për media ka theksuar se i kanë marrë vlerësimet preliminare dhe Kosova ka mbyllur një proces demokratik.
Lideri i Lidhjes Demokratike të Kosovës, Isa Mustafa, ka deklaruar se kjo parti do bëjë një analizë të thellë të rezultatit zgjedhor. Ai ka shtuar se LDK-ja e respekton rezultatin e zgjedhjeve.
Mustafa ka thënë se kryeministri në detyrë, Avdullah Hoti, ka bërë punë të shkëlqyeshme.
“Ne do të bëjmë ndryshimet e nevojshme dhe LDK do të punojë shumë që të rikthehet dhe ta sendërtojë vizionin e saj rugovian për vendin”, ka shkruar Mustafa në Facebook.
Rezultatet preliminare të Komisionit Qendror të Zgjedhjeve, e nxorën LDK-në në pozitën e tretë, me mbi 13 për qind.
Ky rezultat mund të cilësohet si rezultati më i dobët i kësaj partie në historinë e saj politike.
