Të gjitha qendrat e Njësive Administrative në Elbasan janë të hapura, disa prej tyre kalohen me zinxhirë për shkak të ngricave.
Emergjenca u përballua me seriozitet dhe fillimisht u morën masat për të bërë të mundur hapjen e rrugëve drejt Qendrave Shëndetësore. Tashmë puna e ekipeve të emergjencave është e përqëndruar në rrugët e fshatrave të thellë ku trashësia e dëborës i ka kaluar 1 metër.
Të gjitha strukturat janë në këmbë dhe do të vijojnë punën edhe në ditët në vijim tha Kryetari i Grupit Parlamentar Taulant Balla teksa ishte pranë ekipeve të Agjencisë së Shërbimeve Publike së bashku me Kryetarin e Bashkisë së Elbasanit Gledian Llatja tha:
“Puna në rrugën Elbasan Labinot Mal ka nisur prej mëngjesit dhe vijon ndërkohë që trashësia e dëborës i ka kaluar 1 metër, situatë e cila nuk është parë prej shumë vitesh.
Gjej rastin të falenderoj të gjithë punonjësit e bashkisë dhe të OSHEE për punën që po bëjnë këto ditë. Vetëm një numër i vogël qytetarësh janë pa energji elektrike.
Kemi ndjekur në çdo moment shërbimin e urgjencës në rastet kur ka qenë e nevojshme. Por të gjitha Qendrat Shëndetësore kanë qenë të pajisura me barnat e nevojshme.”
Shteti është në këmbë, tha Balla për të ndjekur situatën dhe do të vijojë edhe në ditët në vazhdim pasi prania e ngricave do të vazhdojë:
“Shteti është në këmbë për të bërë detyrën. Gaztorëve të opozitës që komentojnë nga divanet e ngrohta të shtëpive të tyre në vilat e shtuara pas pandemisë, u them që “Ne jemi zgjedhur për të punuar, jo për gjumë.”
Prej dy ditësh Balla ka ndjekur situatën e shkaktuar nga moti i keq në Librazhd e Elbasan duke qenë pranë banorëve sidomos për marrjen e masave në rast emergjencash shëndetësore.