Krimi në familje tronditi Kavajën. Mesditën e sotme në fshatin Manskuri të Kavajës është gjetur e djegur në një makinë Fëllënxa Shirja 45 vjeçe.
Ndërkohë që vetëm pak metra më tutje, uniformat blu kanë gjetur bashkëshortin e saj, Bilbil Shirja i vetëvarur në pemë.
Raportohet se çifti ishte në proces divorci, të cilin e kishin hapur prej 2 muajsh. Të hënë pritej që të mbahej seanca e fundit.
48-vjeçari e kishte marrë gruan tek banesa e prindërve, e kishte mbyllur në makinë dhe më pas i kishte vënë flakën.
Më pas ai i ka dhënë fund jetës duke u varur në pemë. Në lidhje me këtë ngjarje po vazhdojnë hetimet për zbardhjen e plotë të rrethanave të saj.
