Kryeministri Edi Rama në fjalimin e fitores nuk harroi edhe një mesazh për kundërshtarin e tij Lulzim Basha.
Ai tha se duhet respektuar për përpjekjen për të arritur të pamundurën.
“Lulzim Basha dhe PD bënë fushatën më të mirë në historinë e humbjeve të tyre, ata ishin më skuadër se gjithë herët e tjera, demokratët kishin kundërshtarë jo dhe aq të lehtë këtë herë, por meritojnë respektin tonë për përpjekjen e të paarritshmes.
Për të mundur PS-në është po aq e vështirë sa të mundje Milanin e Sakit, Interin e Murinjos apo Barcelonën e Guardiolës. Mesazhi im i sinqertë për Bashën është ky: Pranoje humbjen me dinjitet me bindjen se nuk bëre sa deshe, por bëre sa munde,” tha Rama.
