Kryeministri Edi Rama në fjalën e tij është fokusuar në marrëdhëniet me presidentin Ilir Meta, duke u shprehur i vendosur për ta shkarkuar nga posti i kreut të lartë të shtetit.
“Mesazhi imi tretë është për për PS-në dhe për të gjithë opinionin publik, me Ilir Metën dhe me partinë e tij, nuk ka dhe nuk mund të ketë asnjë bashkëpunim. Ilir Meta do të shkarkohet nga detyra si një personifikim i antishtetit, i ndëshkuar nga populli shqiptar, më 25 prill. Një personazh grotesk që e turpëron shoqërinë shqiptare, që e turpëron çdo qytetar normal të këtij vendi me praninë e tij në krye të shtetit. Shkarkimi i Ilir Metës nuk është gjithçka në dorën tonë, këtë e dimë. Por ne do të bëjmë gjithçka për ta çminuar institucionin, duke e votuar në bllok shkarkimin”, tha kryesocialisti.
Ndërsa ai i shtriu dorën e Partisë Demokratike për të zgjedhur kreun e ri të shtetit, nëse Gjykata Kushtetuese mund ta pranojë vendimin e Parlamentit për shkarkimin e Metës.
“Ne do të konsultohemi me PD për emrin e presidentit të ri”, tha Rama.
