Një gjyqtar dëshiron të dijë se si një emigrant i paligjshëm i dëbuar ka qenë në gjendje të kthehet në Angli dy herë dhe të marr dënime me burg për kultivim droge, pa u dëbuar dhe një herë nga vendi.
Gjykatësi Ray Singh bëri thirrje që policia të ndërlidhet me Ministrinë e Brendshme për të parë statusin e emigracionit të të pandehurit 41-vjeçar Lefter Hoxha. Ai bëri thirrjen në gjykatën e mbretërore në Durham ndërsa dënoi shtetasin shqiptar me tre vjet burg, pasi pranoi një akuzë për prodhimin e një droge të klasit B.
Gjykatës iu tha se Hoxha u arrestua pasi u gjet i fshehur në katin e sipërm në një pronë të ndarë me tre dhoma gjumi në Ferndene Avenue, Pelton Fell, afër Chester-le-Street, kur policia hyri me forcë, pasi nuk kishte marrë asnjë përgjigje për trokitjet e tyre, në 8:20 të 17 dhjetor të vitit të kaluar. Policia i gjeti 95 bimë kanabisi që rriteshin nëpër tre dhoma gjumi, të mbështetura nga sisteme të sofistikuara të ngrohjes dhe ndriçimit, ndërsa një numër i fidanëve ishin të vendosur në hapësirën e papafingo, shkruan gazeta britanike.
Kur u intervistua, Hoxha i tha policisë se ai erdhi në Mbretërinë e Bashkuar rreth një vit më parë. Z. Howard tha në atë kohë i pandehuri mori një dënim me burgim 13 muaj në Sheffield Crown Court, për prodhimin e kanabisit, dhe u la i lirë.
Duke folur me të pandehurin e papërfaqësuar, përmes një përkthyesi shqiptar, gjyqtarit Singh iu tha se Hoxha ishte deportuar për hyrje të paligjshme në vend, në vitin 2017, por u kthye në pjesën e pasme të një kamioni rreth një vit para arrestimit të tij.
Hoxha tha se ai u detyrua të kthehej për të shlyer kontrabanduesit e njerëzve duke kujdesur për fermat e kanabisit. I pyetur pse nuk u dëbua me lëshimin e licencës në nëntor, Hoxha tha se ai kërkoi azil dhe nuk i ishte nënshtrua vlerësimit. Gjykatësi Singh e përshkroi atë si, “një dredhi të përshtatshme” për të siguruar që ai të mbetej në këtë vend, shkruan gazeta britanike.
Pasi e burgosi ??Hoxhën, gjyqtari tha që ai duhej të dëbohej me lirimin e tij në mes të pikës së këtij dënimi, por ai shtoi: “Sinqerisht, nuk kam besim në mënyrën se si po funksionon sistemi për momentin, dhe kjo do të ndodh.” Ai shtoi: “Unë dua një shpjegim të plotë se si është gjendur në një pozicion si ky.”/Përktheu gazeta Shqip
