Mospranimi për të paguar faturën, i ka kushtuar jetën një qytetari amerikan. Një berber nga pjesa periferike e Chicagos është akuzuar për vrasje pasi dyshohet se e qëlloi me armë zjarri dhe e vrau klientin që refuzoi të paguante për shërbimin.
Incidenti ndodhi të enjten e kaluar rreth orës 4 të pasdites në sallonin “Studio 914” në MayWood të Chicagos.
Deshon Mcadory, 40 vjeç, pronar i sallonit, u arrestua dhe u akuzua për vrasje të shkallës së parë në lidhje me vrasjen e 31-vjeçarit Christian McDougald njëjtë si ai edhe partneri në biznes Samuel williams, u arrestua nën akuzën e përdorimit të paligjshëm të armëve.
Një zyrtare e prokurorisë lokale tha se McDougald refuzoi të paguante për prerjen e flokëve dhe filloi të grindej me berberin Mcadory dhe kolegët e tij të punës.
Pas përshkallëzimit të situatës, McDougald e ndoqi berberin deri te dera e pasme e sallonit, ku berberi e qëlloi klientin dy herë në gjoks duke e lënë të vrarë në vend.
Pasi shkoi në vendin e ngjarjes, policia e gjeti armën me të cilën dyshohet se u krye vrasja, ndërsa në veturën e berberit u gjet municion që përputhej për nga lloji me municionin e përdorur gjatë të shtënave.
