Norvegjia është gjobitur me 1,500 euro, pasi lojataret e saj veshën pantallona të shkurtra në vend të bikinit, gjatë Kampionatit Evropian të Hendbollit në Plazh.
Federata Evropiane e Hendbollit (EHF) argumentoi se vendosi gjobën pasi veshja ishte e papërshtatshme. Në deklaratën e Federatës thuhej se pantallonat e shkurtra nuk janë në përputhje me rregullat e uniformave të atletëve.
Atletet e Norvegjisë kishin veshur pantallona të shkurtra në vend të bikinit gjatë ndeshjes kundër Spanjës, e cila organizohej në Varna, të Bullgarisë.
Norvegjia i kërkoi leje Federatës para Kampionatit, për të luajtur me pantallona të shkurtra por kërkesa nuk u miratua. Norvegjia do të diskutojë me organet në muajt e ardhshëm lidhur me ndryshimin e rregullave aktuale.
Çështja ka shkaktuar debate në qarqet sportive për disa vjet. Disa prej lojtareve pohojnë se bikini nuk është një veshje praktike./BBC
