Farat chia janë një shtesë e shëndetshme për çdo dietë. Këto fara të vogla sjellin një grusht të fuqishëm ushqyes, por një trend i ri sugjeron që shtimi i tyre në ujë dhe pirja e tij mund t’ju ndihmojë të humbni peshë.
Trendi i ujit me fara chia ka qenë rreth e përqark Tik Tok falë përdoruesit @happyandhealtholivia. Për ta bërë atë, gjithçka që duhet të bëni është të vendosni një lugë gjelle fara chia në një gotë me ujë dhe ta pini atë 30 minuta para një vakti.
Sipas videos, “Farat Chia zgjerohen në stomakun tuaj dhe formojnë një xhel të trashë, duke zvogëluar oreksin tuaj dhe duke rritur ndjenjat e ngopjes të cilat mund t’ju ndihmojnë të qëndroni në një deficit kalorish”.
Ka kaq shumë përfitime shëndetësore të farave chia. Ato janë të mbushura me lëndë ushqyese, duke përfshirë acide yndyrore omega-3, fibra dietike dhe një sasi të madhe proteine, duke i bërë ato një nga ushqimet më të çmuara të natyrës.
Dhe është e vërtetë: Nëse jeni duke u përpjekur të humbni peshë, farat chia janë një mundësi e shkëlqyeshme për tu shtuar në vaktet tuaja ditore. Fibrat dietike mund t’ju ndihmojnë të arrini një peshë të shëndetshme duke rritur tretjen, kontrolluar sheqerin në gjak dhe duke rritur ngopjen.
