Presidentja Vjosa Osmani njofton se dy shtetas të Kosovës, që gjendeshin në Kabul, janë evakuuar nga atje dhe së shpejti do të arrijnë në Prishtinë.
“Për një kohë, Ministria e Jashtme dhe e Diasporës dhe zyra ime kanë punuar që të sigurojnë evakuim të sigurt të shtetasve të Kosovës nga Kabuli. Me ndihmën e Shteteve të Bashkuara dhe shteteve evropiane, dy nga qytetarët tanë janë evakuuar në mënyrë të sigurt nga vendi dhe së shpejti do të kthehen në shtëpi”, shkruan Osmani në Twitter.
Ministria e Punëve të Jashtme dhe Diasporës, tha se po vazhdon kontaktin e drejtpërdrejt edhe me dy shtetas të Kosovës “në mënyrë që t’u ofrohet ndihmë deri në largimin e tyre”. Gjithashtu, Kosova ka shprehur gatishmërinë që të strehojë afganë, që kanë bashkëpunuar me SHBA.
For some time, @MFAKOSOVO and my Office have been working on ensuring the safe evacuation of ?? citizens from Kabul. With assistance from the United States and European countries, two of our citizens were safely evacuated to a safe country & will be back home soon.
— Vjosa Osmani (@VjosaOsmaniPRKS) August 17, 2021
