Vetëm tre ditë na ndajnë nga 20 vjetori i një prej tragjedive më të mëdha të historisë së njerëzimit, ku humbën jetën gati 3000 persona prej atentatit terrorist kundrejt kullave binjake.
11 shtatori i vitit 2001 do të mbahet mend gjatë nga populli amerikan që pësoi sulmin e tmerrshëm terrorist, që zhyti New York-un në njërën nga ditët më të zeza në historinë e botës.
Megjithatë, që prej atij viti të zymtë, qyteti madhështor i New York-ut është ringritur sërish. Në kuadër të 20 vjetorit që do të zhvillohet ditën e shtunë, kanë nisur përgatitjet për ceremoninë përkujtimore.
Ceremonia do të zhvillohet në Sheshin e Memories, pranë Qendrës Botërore të Tregtisë.
Në këtë shesh ku ndodheshin më parë dy kullat binjake, janë gdhendur emrat e viktimave nga sulmi terrorist i 11 shtatorit.
Tashmë pranë saj ndodhet ndërtesa e re 104-katëshe.
Ditën e shtunë, Presidenti Joe Biden do të marrë pjesë në ceremonitë e tre vendeve ku ndodhën sulmet terroriste; New York, Virxhinia dhe në Pensilvani.
Presidenti do të jetë i shoqëruar edhe nga Pentagoni në momentin e ceremonisë në Arlington të Virxhinias.
