Italia ka miratuar aplikimin e dozës së tretë të vaksinave kundër Covid-19 për persona mbi 60 vjeç dhe për njerëzit e brishtë dhe imunitete të dobët të të gjitha moshave.
Sipas Ministrisë së Shëndetësisë italiane, doza e tretë do të kryhet vetëm 6 muaj pas përmbylljes së ciklit të vaksinimit, ndërsa kushtet për të marrë këtë përforcues janë: sëmundjet e frymëmarrjes fibroza pulmonare idiopatike; sëmundjet e frymëmarrjes që kërkojnë terapi me oksigjen; sëmundjet kardiovaskulare, ato neurologjike, skleroza amiotrofike anësore dhe sëmundje të tjera.
