Piotr Zielinski, mesfushori i Napolit dhe Polonisë, pas fitores me Shqipërinë në kualifikueset e Kupës së Botës, foli për mikrofonat e TVP TV.
“Ne e dinim që fitorja do të ishte vendimtare. Shqiptarët u mbrojtën mirë, por në fund ne kishim kontrollin e kësaj ndeshje, përveç dy ose tre lëvizjeve ku situata ishte e rrezikshme. Ne jemi më të aftë në futboll se ato dhe kjo ishte e dukshme”, tha ai.
Ndeshja u ndërpre për disa minuta për shkak të hedhjes së shisheve nga tifozët vendas.
“Hedhja e objekteve? Kjo është hera e parë që kam parë një gjë të tillë. Ata humbën lojën, ishin pak nervozë. Gjatë pushimit ne ishim gjithmonë gati. Askush nuk u ul në stol pasi gjatë gjithë kohës u tha se duhet të lëviznim sepse loja do të rifillojë. Ne morëm sinjalin që kur tifozët të qetësoheshin, ne do të ktheheshim në fushë për pesë ose dhjetë minuta”, shtoi Zielinski.
