Avokati Spartak Ngjela ka deklaruar se Partia Demokratike mund të shpëtohet vetëm nga një njeri, i cili sipas tij është Lulzim Basha.
Duke folur për zhvillimet dhe përçarjet në PD, Ngjela tha se ish-kryeministri Sali Berisha “u eleminua” nga Washingtoni dhe jo nga kryedemokrati Basha. Ai sqaroi më tej gjendjen juridike të Berishës duke thënë se sipas ligjit amerikan ai ka pranuar fajësinë, pasi nuk ka atakuar aktin e shpalljes “non grata”
“Ka mbaruar koha e neokomunizmit. Politika nuk është e ardhmja, as e kaluara, por është imediate. I vetmi njeri që mund të shpëtojë PD është Basha. Nuk e ka eleminuar Basha Berishën, por Washingtoni. Këta me kë janë? Nuk duhet t’i shmangemi të vërtetës me një analizë kur je përballë opinionit publik.
Politika e SHBA nuk e pranon Berishën që të ketë marrëdhenie me te se ka një serë shkeljesh dhe deri te veprat penale. Të njëtën gjë tha edhe Basha. Pasi del akti për “non grata” ke një afat qe duhet të atakosh një një gjykatë në Amerkë, por ky e nuk e atakoi, e çoi në Francë. Ky akt merr formën e prerë. Ligji amerikan thotë: Për faktin që akti nuk u atakua, personi ka pranuar fajësinë. Kjo është gjendja juridike e Berishës në Amerikë.”, tha Ngjela.
