Komisioneri-qytetarëve: Fshini listën nga telefonat

113 563 lexime

124,178FansaPëlqeje

Komisioneri për Mbrojtjen e të Dhënave Personale ka reaguar dje për publikimin e listës së pagave dhe të dhënave sensitive. Komisioneri ka kërkuar fshirjen e menjëhershme të këtyre të dhënave, pasi sipas tij përbën shkelje ligjore.

 Pas publikimit të pagave dhe të dhënave personale, ka reaguar edhe komisioneri për mbojtjen e tyre. Ai ka këkruar nga qytetarët që mbajnë në aplikacionin e ëhats app listën e pagave ta fshijnë atë. Komisioni paralamëron se kjo nuk është një lojë dhe se është shkelje ligji e mund të dënohen për përpunim të paligjshëm të të dhënave personale të shtetasve. “Zyra e Komisionerit ka nisur punën për sigurimin e kësaj baze të dhënash dhe për identifikimin e shkeljeve të mundshme, në mënyrë që të ushtrojë detyrimin ligjor dhe kryerjen e veprimeve të domosdoshme për një hetim administrativ kryesisht (me iniciativën e saj) për këtë çështje”, thuhet në deklaratën e tyre. Duke ju referuar edhe rasteve të ngjashme. “Zyra e Komisionerit vlerëson se ushtrimi i lirisë së shprehjes dhe të shtypit, kur në objekt të saj ka të dhëna personale, para së gjithash, duhet realizuar duke mbajtur parasysh faktin se “interesi i lartë publik”, dallon nga “interesi për publikun”, thuhet në deklaratën e Komisionerit të Mbrojtjes të të Dhënave Personale. Në këtë kontekst, Zyra e Komisionerit i bën thirrje të gjithë individëve apo subjekteve publike/private që disponojnë këtë bazë të dhënash personale, të mos e transmetojnë, qarkullojnë apo publikojnë duke rënduar situatën në kuadër të pasojave që mund të vijnë në lidhje me të drejtën për respektimin e jetës private. “Çdo veprim që mund të duket si një “lojë”, në përfundim do të rezultonte si shkelje e ligjit, pasi kemi të bëjmë me një përpunim të paligjshëm të të dhënave personale të shtetasve. Qarkullimi online apo dhe publikimi në media i të dhënave të qytetarëve rezulton se është një veprim i kundërligjshëm, i papërgjegjshëm dhe i bëhet thirrje organeve mediatike dhe publikut të mos bëhen përhapës të paligjshëm të të dhënave personale”, thuhet në njoftim. Ditën e djeshme në aplikacionin e Whatsapp është shpërndarë llista e pagave me të dhënat personale për gati 650 mijë qytetarë që marrin pagën në sektorin privat dhe në atë shtetëror. Nga ky publikim nuk ka shpëtuar as kreu i Qeverisë, as VIP, madje as personat që paguhen në Shërbimin Informativ Shtetëror që janë edhe më të cënuar për shkak të shfaqjes së emrit përballë publikut.

Lexo edhe :  A e dini arsyen pse tështini shumë herë radhazi?

 

 

Të fundit

Rama: Lufta e Rusisë është kërcënim ekzistencial ndaj të ardhmes

Kryeministri Edi Rama thotë se Shqipëria do të vazhdojë ta mbështesë Ukrainën deri në fitoren e luftës brenda mundësive...

Çfarë ndodhi? Romeo Veshaj bën deklaratën e papritur: Jam gati të bëj valixhet…

Romeo Veshaj është shprehur mbrëmë se është gati të marrë valixhet dhe të dalë nga shtëpia e “Big Brother VIP 3”. Këtë e tha...

A do dërgojë NATO trupa në Ukrainë? ja si përgjigjet presidenti Zelensky

Presidenti i Ukrainës Volodymir Zelensky, i pyetur nga gazetarët në një konferencë të përbashkët me kryeministrin Edi Rama, ka folur në lidhje me mundësinë...

Rama: Presim të jemi me ju në ditën kur Ukraina do të marrë frymë lirisht

Kryeministri Edi Rama pas Samitit Ukrainë – Evropa Juglindore: Lufta ndalet, duke ndalur agresorit. Ukraina meriton të mbështetet dhe të ndihmohet me të gjitha mjetet...

Rama në konferencë me Zelenskyn: Të nderuar të mikëpresim një udhëheqës të rezistencës

Kryeministri Edi Rama deklaroi se kombi shqiptar mbështet Ukrainën në luftën e saj kundër agresionit rus. Në një konferencë të përbashkët për shtyp në Tiranë...

Lajme të tjera

Web TV